كل واحد فينا ربنا سبحانه وتعالى مخصصله
ابتلاء وهموم مضايقاه ، بس دلوقت حالا هتشوف بنفسك ازاى اللى ابتلاك هيخلصك من
الابتلاء .
ممكن تسأل سؤال : هو ليه ربنا سبحانه بيبتلينا ؟
طب وليه ما تقول ان ربنا سبحانه وتعالى شايلك
مكان ودرجة عالية فى الجنة وأعمالك
متوصلكش للمكان ده ف ربنا بيجبر النقص بين أعمالك والدرجة فى الجنة بالابتلاء .
طبعا الكل واصله شعور انه اكتر المبتلين وان مشكلته هى الاعظم ، طب تعال اسمع معايا قصة
اعظم المبتلين على الارض و ازاى اتخلص من ابتلائه .
أكيد عرفته .....
( سيدنا أيوب عليه السلام )
عاش سيدنا ايوب 18 سنة مبتلى فى جسمه مفيش
حاجة بتتحرك فيه الا لسانه ، ومع ذلك كان لسانه مبيتكلمش الا بذكر الله ، فقد كل
أمواله وأصحابه مع الوقت بيتركوه واحد ورا
التانى ، وميبقاش ليه غير صاحبين كل مدة بيزوروه واحد ورا التانى ، جسمه أصيب
بالتقرحات والجروح ، وميبقالوش فى الدنيا الا مراته ( زوجة النبى العزيزة ) كل يوم
تروح تخدم فى البيوت علشان تجيب لزوجها المبتلى لقمة ياكلها .
وضع وابتلاء عجيب ، لحد ما فى يوم من الايام
كان صحابه الاتنين بيزوروه وبعد ما انتهو من الزيارة واحد فيهم قال للتانى أكيد
أيوب عمل ذنب عظيم وده غضب من ربنا عليه ، وللأسف كان صوتهم مسموع لنبى الله أيوب
عليه السلام
واستشعر الألم فعلا فى اللحظة دى ان برغم كل
ابتلائه ، كان كل اللى دايقه انهم قالو عليه عبد سوء فى لحظة يطلع منه الدعاء اللى
انا كاتب الموضوع كله علشانه .
هاا جاهز تعرف سبيل نجاتك من الابتلاء ، كل اللى
عليك تقوله زى ما قاله نبى الله أيوم وهايحصل معاك زى ما حصل مع أيوب .
يقول الله عز وجل :
" وَأَيُّوبَ إِذْ نَادَىٰ رَبَّهُ أَنِّي مَسَّنِيَ
الضُّرُّ وَأَنتَ أَرْحَمُ الرَّاحِمِينَ "
لالا ثانية واحدة انت هتعديها كدة ؟؟ يعنى 18
سنة ابتلاء فى جسمه ، ماله ، أصحابه ، ولده
.
"ولا يقول غير " أَنِّي ( مَسَّنِيَ ) الضُّرُّ وَأَنتَ أَرْحَمُ الرَّاحِمِينَ " شايف الكلمة اللى بين القوسين دى مع الخمس كلمات الباقيين هم دول علاجك .
يدوب مسه الضر عدى عليه كدة لمسه ، شايف التأدب فى الدعاء .
"ولا يقول غير " أَنِّي ( مَسَّنِيَ ) الضُّرُّ وَأَنتَ أَرْحَمُ الرَّاحِمِينَ " شايف الكلمة اللى بين القوسين دى مع الخمس كلمات الباقيين هم دول علاجك .
يدوب مسه الضر عدى عليه كدة لمسه ، شايف التأدب فى الدعاء .
اسمع ربنا عمل معاه ايه :
" فَاسْتَجَبْنَا لَهُ فَكَشَفْنَا مَا بِهِ مِن ضُرٍّ ۖ وَآتَيْنَاهُ أَهْلَهُ وَمِثْلَهُم مَّعَهُمْ رَحْمَةً مِّنْ عِندِنَا وَذِكْرَىٰ لِلْعَابِدِينَ "
" فَاسْتَجَبْنَا لَهُ فَكَشَفْنَا مَا بِهِ مِن ضُرٍّ ۖ وَآتَيْنَاهُ أَهْلَهُ وَمِثْلَهُم مَّعَهُمْ رَحْمَةً مِّنْ عِندِنَا وَذِكْرَىٰ لِلْعَابِدِينَ "
- وربنا سبحانه بيقول فى آيات أخرى : " ارْكُضْ بِرِجْلِكَ ۖ هَٰذَا مُغْتَسَلٌ بَارِدٌ وَشَرَابٌ "
اخبط برجلك فى
فى نبع الماء ترجع شباب وبصحة زى الأول وربنا عووضه بأولاد غير اللى فقدهم وذريه
وأموال
" أَنِّي
مَسَّنِيَ الضُّرُّ وَأَنتَ أَرْحَمُ الرَّاحِمِينَ"
قولها واستشعرها بقلبك وان شاء الله كل همومك
وابتلاءاتك تفرج وتزاح عنك .
>> ENG : AR
>> ENG : AR
ليست هناك تعليقات:
إرسال تعليق