تنظيم المذاكرة بطريقة احترافية | نام وانت مرتاح .

تنظيم المذاكرة بطريقة احترافية | نام وانت مرتاح

للناس اللى مش عارفة تذاكر وعمالة تضيع فى أيامها ، أو الناس اللى بتلتزم يوم و تقصر اسبوع بعده ، اتأكد ان الكلام ده ليك .

>> افتكر كدة معايا انت قاعد فى البيت بقالك اسبوع تقدر تقولى انجزت ايه ؟ 
.
.

مأنجزتش صح ؟
 وممكن اصدمك دلوقت انك بقالك أكتر من اسبوع كمان مأنجزتش أى حاجة .
 يله قول ( الحمدلله ) ... 

اه قول الحمدلله علشان هاتعرف الكبسولة دلوقت
أو اللى انا مسميها ( كبسولة المهندس  ) . 

تعرف انى باكتبلك الموضوع ده بعد ما ذاكرت 8 ساعات ونص ومش عارف انت أخدت بالك ولا لأ انى فى كلية هندسة

يعنى مبنفضاش نهرش حضرتك ، وعلفكرة انا خابط امتياز ودى ممكن حاجة تحفزك  مش المثل بيقولك
" اسأل مجرب .. ولا تسألش طبيب " واتعمدت انى اكتبه بعد مانفذت الطريقة اللى هاقولهالك دلوقت  .

( هندس حياتك ) 

ومش شرط تيقى مهندس علشان تعمل كدة انت هاتعمل بس خطوتين تلاتة صغيرين خالص  تتمثل فى انك عاوز تنجز مهمة محددة ( ولتكن المذاكرة  ) مثلا .

1 . حدد وقت انجاز المهمة  :

 أول ماتصحى مالنوم امسك الفون واعمل منبه بميعاد نومك هايقولك مثلا ( تم ضبط التنبيه بعد 14 ساعة من الآن )

وطبعا مش ده وقت المذاكرة انت هتاخد نصهم بس او 6 ساعات منهم أو 5 كمان وخلى الباقى ل PUBG ي عم

 أظن كدة هايبقى عنب خالص انك تنام بعد ما ذاكرت 6 ساعات 

2 . حدد مضمون المهمة  ( المواد يعنى  )

مش هاقولك بقى دول ست ساعات يبقى تخصصلهم 16 مادة ولا حاجة لا خالص بالعكس انت هاتخصص اقل قدرمن المذاكرة عليك وانت أدرى بموادك يعنى مثلا تحدد 3 مواد مثلا .

3 . التخطيط للمهمة :

اعمل جدول يربط بين العنصرين اللى فاتو ( الوقت ـ، المواد ) .

·         نظم هتذاكر كام مادة فى ال 6 ساعات انشاللاه تخليهم كلك فى مادة واحدة وزى ما كله بيقول ابدأ بالأسهل هايسحب معاك الاصعب علطول .

·         اوع تقعد ساعة كاملة على مادة قسمها على مرتين أو تلاتة يعنى مثلا : لو انت مخصص ساعتين ل مادة معينة قسمها على 3 مرات وفى كل مرة ذاكر 40 دقيقة وافصل  ولو ب نص ساعة ياخى من ساعات PUBG  .

·         الالترزام مش هايبقى من أول مرة انا قعدت اسبوع  مش منتظم بس تدريجى الأمور هاتيجى معاك . 

حاول مرة واتنين وتلاتة سواء حاولت بالطريقة دى أو بغيرها المهم انك تختار الافضل ليك وتنفذه .
اتعب وكافح علشان حلمك يستاهل والله 
" وفقنا الله واياكم الى مايحب ويرضى " 

>> ENG : AR