حاجات يحبها الشباب فى البنات | علامات الحب للشباب |
الحاجات اللي بيحبها الشاب في البنت :
احنا كشباب مش بنلتفت خالص للميك اب الكتير ،
ولا استايل اللبس بالطريقة اللى كل بنت
ممكن تكون فاكرة انها بالحاجات دى ممكن تلفت نظر الشاب .
تعالى بقى اقولك ازاى تلفتى نظر الشاب :
1 . الحياء والكسوف
البنت
اللى عندها حياء بتكون مرغوبة اوى في نظر أي ولد ، بتحسها لؤلؤة في نفسها كدة او
وردة بتفتح لسه بمنتهى الرقة .
2 . اللبس أو استايلك كبنت :
يكون
نظامه ازاى ؟ اوعى ابدا ابدا تلبسي الضيق
او اللي ممكن يبين حاجة في جسمك ،عارفة طبعا بيقولو ايه على البنت اللى بالشكل ده
، نلبس لبس محترم ومنسق مع بعضه ، ولفة
طرحة حلوة توقع ألف ولد في دباديبك
3 . طريقة الكلام :
تجنبي
الصوت العالى ونرجع تانى ان ده بيقلل من حيائك كبنت في نظر الشاب وده مش في مصلحتك خالص كدة الواد
هايطيرمنك .
4 . شخصيتك وتأثيرها :
موضة للبنات انها تتصنع انها تقيلة فى الكلام
أو الرد ، أنا كولد اهو بقولك اتقلى يا ست البنات براحتك بس مش فى أول التعارف أو
الكلام ده مش مستحب خالص ، يبقى بلاش نبين الجزء ده من شخصيتك صدقينى كونك كيوت
وعسولة كدة هايكون أفضل بكتير وهايجذبنى ليكى أكتر .
5 . اسلوبك فى الكلام :
يكون ميكس كدة من ( الاحترام ، والحياء ، والشقاوة ، والدلع ) ولازم تعرفى
امته تستخدمى كل واحدة فيهم وتحطيها فى المقام اللى يناسبها .
ولازم
نكون متفقين على قاعدة مهمة ( ان البنات
اللى مش محترمين وبيظهر ده على اسلوبهم أو باختصار على العناصر اللى ذكرتها هم دول
ليهم شباب مش محترمين بردو يفهموهم كويس ويعرفو يتعاملو معاهم )
وكل واحد بياخد اللى يستحقه .
الحمد لله بعد تنفيذ اللى فات اتلفت نظره
ووقع فى الشبكة ، ايه هى بقى علامات الحب للشاب ؟
علامات الحب للشاب :
1 . ديما بيدى اهتمام خاص للى بيحبها دونا عن الباقى بيبان كدة حتى فى طريقة تعامله معاها أو مع غيرها .
2 . لما بتيجى سيرة البنوتة اللى بيحبها هتلاقى عينه لمعت تلقائى وبان عليه انه بدأ يهتم اكتر بكل كلمة بتتقال عليها .
3 . بيبدأ يتصرف تصرفات غير مألوفة خالص وغريبة بالنسبة لطبيعته فى حالة كونها موجودة ضمن الحاضرين .
4. لو اتكلم معاها بيتلغبط فى الكلام أو فى بعضه على حسب شخصية ونوع الشاب فيه منهم ممكن يتحكم فى نفسه وفيه لأ .
5 . ديما بيحاول يلفت النظر بتصرفات غريبة قدامها .
ديما اللى بينطبق عليه الحاجات دى معاكى
حاولى تديله مجال أكبر انه يقرب منك مين عارف يمكن يبقى ابو العيال ان شاء الله .
" وفى الآخر ربنا يوفقنا ويوفقكم للى يكون ونس
وسند ليكو فى الحياة " .
ENG :
AR <<
ليست هناك تعليقات:
إرسال تعليق